რეპერტუარი

  • ხანუმა


  • ავტორი: ავქსენტი ცაგარელის კომედიის მიხედვით
  • რეჟისორი: ანდრო ენუქიძე
  • ქრონომეტრაჟი: 180 წთ.
  • პრემიერის თარიღი: 11 მაისი 2019 წ.

ავქსენტი ცაგარელის კომედიის მიხედვით ორ მოქმედებად

ავქსენტი ცაგარელის „ხანუმა“ განსაკუთრებით იზიდავს მაყრებელს პერსონაჟთა კოლორიტული ბუნებითა და კომედიური ჟანრის ოსტატურად მოხმობილი ხერხებით.
პიესა მსოფლიოს არაერთ სცენაზე განხორციელებულა სხვადასხვა ინტერპრეტაციით. „ხანუმა“-ს თავისებურ, ორიგინალურ გააზრებას სთავაზობს დამდგმელი რეჟისორი ანდრო ენუქიძეც, რომელიც სრულიად მოულოდნელ, მრავალმხრივ საინტერესო ფუნქციას შესძენს „კნიაზ“ ვანო ფანტიაშვილს. 
რა ხილვა ეწვევა ხანუმასგან გაცუცურაკებულ თავადს?
პასუხს ამ კითხვაზე ბათუმის დრამატული თეატრის სცენაზე იხილავს მაყურებელი.

  • KLDIASHVILI.GE #იმედითადამოთმინებით .


  • ავტორი: დავით კლდიაშვილის ნაწარმოების მიხედვით
  • რეჟისორი: ანდრო ენუქიძე
  • ქრონომეტრაჟი: 60 წთ.
  • პრემიერის თარიღი: 28 მარ. 2019 წ.

დავით კლდიაშვილის ნაწარმოების მიხედვით ერთ მოქმედებად

კლასიკა არ ბერდება.
უკვდავია დავით კლდიაშვილის ლიტერატურული მემკვიდრეობა, რომელიც ღიმილნარევი სევდითა თუ მძაფრი ადამიანური ტკივილებითაა აღბეჭდილი და ყველა დროში პოულობს გამოძახილს . . .
ნიშანდობლივია, რომ ბათუმის ილია ჭავჭავაძის სახელობის პროფესიული სახელმწიფო დრამატული თეატრის სამხატვრო ხელმძღვანელმა ანდრო ენუქიძემ კლასიკურ რეპერტუარზე შეაჩერა არჩევანი.
თეატრის განახლებულ კედლებში ჩვენი დიდი კლასიკოსის მარად ცოცხალი სიტყვა დაისადგურებს და კიდევ ერთხელ განისაზღვრება კლდიაშვილისეული იმედის ძალა და მოთმინების საზღვარი. 

  • პეპი მაღალიწინდა


  • ავტორი: ასტრიდ ლინდგრენის მიხედვით
  • რეჟისორი: მანანა კვირკველია
  • ქრონომეტრაჟი: 90 წთ.
  • პრემიერის თარიღი: 1 დეკ. 2018 წ.

ასტრიდ ლინდგრენის მოთხრობის მიხედვით
სპექტაკლი ორ მოქმედებად

ასტრიდ ლინტგრენის უკვდავი პერსონაჟი – პეპი, ამ საახალწლოდ ბათუმის „ახალ სცენაზე“ დაიდებს ბინას.

წიგნის ორიგინალური ინსცენირება ეკუთვნის სპექტაკლის დამდგმელ რეჟისორს – მანანა კვირკველიას.

ბათუმელ ბავშვებს ისღა დარჩენიათ, მუხუდო თითო მარცვალი მოიმარაგონ და პეპისთან ერთად წარმოსთქვან მისი მაგიური შელოცვა: „წადით, მომწყდით თავიდან, დაბერება არ მინდა!“

პეპისთან მართლაც არავის უწერია დაბერება, პეპისთან ერთად ხომ შობა–ახალი წელიც უფრო მხიარულდება, ხოლო უფროსებს – მშობლებსა თუ პაპა–ბებიებს ბავშვური ანცი სხივი აუკიაფდებათ ხოლმე თვალებში . . .

სპექტაკლში გამოყენებულია ირაკლი ლომოურის რითმოცანები.

  • სასტუმრო ჰაიფა


  • ავტორი: კატაჟინა კნიხალსკა
  • რეჟისორი: იაცეკ გლომბი (პოლონეთი)
  • ქრონომეტრაჟი:  წთ.
  • პრემიერის თარიღი: 3 სექ. 2018 წ.

კატაჟინა კნიხალსკას ტრაგიკომედია ერთ მოქმედებად მარეკ ჰლასკოს მოთხრობებისა და რომანის მიხედვით
თარგმნა მირანდა გურგენიძემ

,,სასტუმრო ჰაიფა” პოლონელი ავტორის, კატაჟინა კნიხალსკას პიესას წარმოადგენს, რომელიც ინსპირირებულია მე-20 საუკუნის ერთ-ერთი ყველაზე პოპულარული მწერლის, მარეკ ჰლასკის ნაწარმოებებით. მოქმედება მიმდინარეობს 60-იანი წლების ისრაელში, ქვეყანაში, რომელიც დიდად განსხვავდება დღევანდელი სტერეოტიპული წარმოდგენისგან ,,წმინდა მიწის” შესახებ. ისრაელის საპორტო ქალაქში, ჰაიფაში მდებარე ძველ და შეუხედავ სასტუმროში, რომელსაც ექსცენტრიკული ესთერი მართავს, მეორე მსოფლიო ომგამოვლილი ემიგრანტები ცხოვრობენ. თითოეული მათგანი აქ უკეთესი ცხოვრების ძიებამ მოიყვანა. წარმოსახული სამოთხის მაგივრად კი რეალობის სისატიკე, თაღლითობა, ძალადობა, პროსტიტუცია და ღალატი დახვდათ. ამ ჩახუთულ ადგილას, დიდი ხნის გაუჩინარების შემდეგ ბრუნდება საიდუმლოებით მოცული მფრინავი-დონ ბენ დოვი. რამ ჩამოიყვანა ის ჰაიფაში? ნუთუ სურს ძველ ცხოვრებას დაუბრუნდეს? იქნებ მისი გამოჩენა ხუთი წლის წინ მომხდარ ტრაგედიასთანაა დაკავშირებული?

,,სასტუმრო ჰაიფა” სიბნელით მოცული ისტორიაა ადამიანებზე, რომლებიც ვერ ახერხებენ წარსულის დემონების დამარცხებას. საპორტო სასტუმროს თითოეულ მაცხოვრებელს ერთმანეთთან ომის ტრავმა აერთიანებს, რომელიც მათ საქციელსა და არჩევანს განსაზღვრავს. თუმცა, როგორც ცხოვრებაში ხდება ხოლმე, მწარე მომენტებს, ტკბილიც ახლავს თან. არც ,,სასტუმრო ჰაიფაა” გამონაკლისი და სხარტ იუმორს მოკლებული. რეფლექსია, ღიმილი და ემოციურობა - ეს სამი სიტყვა საუკეთესოდ აღწერს ჩვენს სპექტაკლს.

სპექტაკლის შექმნაში იმ პოლონელ ხელოვანთა გუნდი მონაწილეობს, რომელთა ძალისხმევითაც 2016 წელს ბათუმის თეატრში დაიდგა წარმოდგენა ,,რამდენი დემონიც გნებავთ” იეჟი პილხის მიხედვით. დრამატურგიის ავტორია კატაჟინა კნიხალსკა, სარეჟისორო ნაწილს იაცეკ გლომბი უძღვება, სცენოგრაფია მალგოჟატა ბულანდას ეკუთვნის, მუსიკა ბარტოშ სტრაბუჟინსკს, ხოლო სასცენო მოძრაობა ვიტოლდ იურევიჩს. თითოეული მათგანი პოლონეთის ქალაქ ლეგნიცაში არსებულ თეატრთანაა დაკავშირებული (იაცეკ გლომბი თეატრის დირექტორია). 2016 წლიდან ქ. ბათუმსა და ქ. ლეგნიცას პარტნიორი ქალაქების სტატუსი მიენიჭათ.

  • განმშორებელი


  • ავტორი: იონ საპდარუ
  • რეჟისორი: იონ საპდარუ
  • ქრონომეტრაჟი: 130 წთ.
  • პრემიერის თარიღი: 2 ივნ. 2018 წ.

ქალაქური კომედია ერთ მოქმედებად
თარგმნა ირაკლი სამსონაძემ

მსოფლიოს მასშტაბით ფუნქციონირებს სხვადასხვა ბიუროები თუ სააგენტოები, ადამიანებს რომ აკავშირებთ ერთმანეთთან, მათი წყალობით იქმნება ახალი ოჯახები. წარმოვიდგინოთ შეტრიალებული სიტუაცია. - ფირმა რომელიც წყვილების გაყრით, მათი განშორებითაა დაკავებული.

ეს "ნოვატორული" იდეა გაუჩნდა "განმშორებელი"-ს მთავარ გმირს. აქედან გამომდინარე მოხვდა იგი სხვადასხვა დრამატულ თუ კომიკურ სიტუაციებში . . .

ბათუმის დრამატული თეატრის "ახალი სცენა" მეორედ წარმოგიდგენთ რუმინელი რეჟისორისა და დრამატურგის იონ საპდარუს პიესას - სიტუაციური კომედია, დაძაბული და საინტერესო ისტორიებით გმირთა მრავალფეროვნება მომხიბვლელ თეატრალურ მოგზაურობას პირდება ბათუმელ მაყურებელს.

  • ომის ღმერთი


  • ავტორი: თამაზ გოდერძიშვილის ქართული ვერსია იასმინა რეზას ამავე სახელწოდების ნაწარმოების მიხედვით
  • რეჟისორი: გიორგი შალუტაშვილი
  • ქრონომეტრაჟი: 95 წთ.
  • პრემიერის თარიღი: 25 მარ. 2017 წ.

სევდიანი კომედია ერთ მოქმედებად თამაზ გოდერძიშვილის ქართული ვერსია იასმინა რეზას ამავე სახელწოდების ნაწარმოების მიხედვით

ერთ მოქმედებიანი ტრაგიკომნედია „ომის ღმერთი“ იასმინა რეზას გახმაურებული პიესაა, რომელიც რეჟისორმა გიორგი შალუტაშვილმა ქართულ სინამდვილეში გადმოიტანა. ორი ოჯახი, ორი ცოლ-ქმარი ეცონბა ერთმანეთს, შეხვედრის მიზეზია მათ ვაჟებს შორის მომხდარი კომფლიქტი. 11 წლის ბავშვებმა იჩხუბეს, ახლა მშობლების გასარკვევია, როგორ გადაწყცვეტენ პორბლემას. „მე მჯერა ომის ღმერთისა, ომის ღმერთი მართავდა და მართავს სამყაროს“ -ო, ამბობს ერთ-ერთი პერსონაჟი; ამას თავისი გამართლება აქვს - ბავშვების ჩხუბი „ცივილიზებული“ მშობლების დაძაბულ, ნევროზულ კომფლიქტში გადაიზრდება. როგორ? რატომ? რა მიზეზით? იქნებ იმიტომაც, რომ ომის ღმერთია კაცობრიობის მარადიული პრობლემა და მიუხედავად იმისა, რომ ვიცით, ანდა, უკეთ ვთქვათ, თითქოს ვიცით, რამდენად დიდი ტრაგედიაა ომი, მაინც ვომობთ. აქ კი უკვე სრული აბსურდი იწყება ...