ბათუმის ილია ჭავჭავაძის სახელობის სახელმწიფო დრამატული თეატრი

რეჟისორი — სალომე ჯიჯავაძე
სცენოგრაფი — დავით ტაკიძე
კომპოზიტორი — ლუკა ჭეიშვილი
ქორეოგრაფი — გიორგი გოგიშვილი
რეჟისორის თანაშემწე — ნატო ღლონტი

მოქმედი პირნი და შემსრულებელნი:

დია — ლია აბულაძე
თეო — დიანა ჩახუნაშვილი
ევა — მერი ნაკაშიძე
ჯაჯო — გოგიტა მეგრელიძე

ანოტაცია:

ქართველი კლასიკოსი დრამატურგის პოლიკარპე კაკაბაძის ექსპერიმენტული პიესა, სიმბოლისტურ-ექსპრესიული დრამა „სამი ასული" — რეჟისორი სალომე ჯიჯავაძის ინტერპრეტქციით წარმოგვიდგება ალტერნატიული, დოკუმენტურ-მხატვრული სახით. ძირითადი ხაზი ფემიციდსა და ქალთა უფლებების შელახვაზე არის აქცენტირებული: რა რეალობაში უწევს არსებობა ქალს? მდგომარეობა, რომელსაც განიცდის სოციუმის დამოკიდებულების, სუბიექტური შეხედულებებისა თუ პიროვნული კომფორტის ზონის ჩარჩოების რღვევის შიშის გამო. ქალთა მიმართ ძალადობა — ძალადობრივი ქმედებების ფართო სპექტრს მოიცავს, დაწყებული სიტყვიერი შეურაცხყოფითა და ემოციური ძალადობის სხვა ფორმებით, დამთავრებული ფიზიკური თუ სექსუალურით. სპექტაკლში რეტროსპექტივის გამოყენების საშუალებით თამანმედროვე რეალობაა წარმოდგენილი. ძირითადი პერსონაჟები — სამი ასული, სიმბოლურად მოწყვლადი ჯგუფის წარმომადგენლები არიან, რომელთა ქმედებებიც სიუჟეტურ ხაზს აგებს და ცდილობს სისტემის რღვევას.