ბათუმის ილია ჭავჭავაძის სახელობის სახელმწიფო დრამატული თეატრი

რეჟისორი და მუსიკალური გამფორმებელი — გაგა გოშაძე
მხატვარი — აკაკი ჯაში
რეჟისორის თანაშემწე — ნატო ღლონტი

მოქმედი პირნი და შემსრულებელნი:

მართა — მაია ცეცხლაძე
მამია — ტიტე კომახიძე
ნინო — მარიამ გველესიანი (ბათუმის ხელოვნების უნივერსიტეტის მეოთხე კურსის სტუდენტი)
დანიელი — თორნიკე ბარამიძე
მღვდელი — კახა კობალაძე

ანოტაცია:

ალექსი ჩიღვინაძე დრამა — „უხერხემლო" ერთ-ერთი საყურადღებო მოვლენაა თანამედროვე ქართულ დრამატურგიაში. მენტალური დაპირისპირება ამ პიესის თემაცაა და მსოფლმხედველობრივი კონფლიქტის უმაღლესი ტემპერატურაც.

რეჟისორმა გაგა გოშაძემ, როგორც ჩანს, დრამატურგიული მასალის ძიებისას სწორედ ამით იხელმძღვანელა — პიესა ყოფილიყო ქართული სინამდვილიდან, ყოფილიყო თემატურად აქტუალური, მძაფრი, ჟანრულად გამართული და რაც მთავარია, იმ თვისების მატარებელი, რომელიც მაყურებელს გულგრილს არ დატოვებს.